足不出戶睇過百樓盤、利嘉閣《RicaGo》俾你用 VR 睇樓!

香港樓市持續熾熱,雖然政府有連番辣招推出,但不論是投資、自住的買家,一直不停入市,樓價自然繼續上揚。有買/賣過樓盤的各位都應該知道,整個交易過程中最花時間的,必然要數「睇樓」一環,事關又要約經紀睇樓,買賣雙方又要配合對方時間,如果一方不合心意,又要另行再約,實在是費時失事。

不過,科技是可以用來解決這些問題的。近日地產代理商利嘉閣就宣佈推出全新的《RicaGo》服務,為樓盤製作 3D 實景立體模型,供用家 360 度預先睇盤,在手機上更加加入了 VR 模式,用來睇樓好像身歷其景一樣!

▲ 進入 App 內,在「我要買樓」頁面中可以見到新推出的「高清實景」,按下即可見到各個已拍攝 360 實景的樓盤及其售價資料等

▲ 用手指掃動可以觀看樓盤的不同角落,按動地上圓圈即可以進行視點移動,部份樓盤更有影片介紹

▲ 想看另類「上帝」視角的,可以點選「Dollhouse」/「Floor Plan」視角,用另一角度看整個樓盤

▲ 如果有 VR 眼罩的話,各位可以安裝專用的睇盤 VR App 《Matterport》,即可以將手機放入 VR 眼罩進行實景睇盤,要在 VR 模式中移動,只需要望實樓盤中各個位置的藍點即可

據了解,利嘉閣目前已製作約 300 個樓盤的 360 實景,而未來將會逐步加到 1000 個以上。雖然每個實景的製作過程需時約一個星期,但只需要業主抽幾小時時間讓製作隊伍入屋拍攝,買家初步睇盤就不需要次次登門造訪,省下的時間都算值得吧?

順帶一提,為了宣傳「VR360 高清實景」,由即日起,首100名業主透過利嘉閣旗下超過200間分行網絡、利嘉閣公司網頁或「利嘉閣」APP登記放盤及成功委託,並完成VR360高清實景拍攝後,將免費獲得VR眼鏡乙個,優惠有限,各業主萬勿錯過!詳情可向利嘉閣分行查詢或瀏覽利嘉閣網頁。

Aaron

#有機男 Aaron,愛玩、愛食、愛扮野,其實幾毒。 前科技網站編輯,現繼續在科技、生活層面以同樣的身份打拼,各位多多指教!

發佈留言

發佈留言必須填寫的電子郵件地址不會公開。 必填欄位標示為 *