教你捉精靈秘技!新地六大商場呈獻「Pokemon GO 達人網上教室」

《Pokémon GO》最近出左更新,難度直線上升!

咁究竟有咩難左、又點樣克服、令你可以踏上成為精靈掌門人既道路呢?

我地既編輯 有機男 Aaron Choi 就同新地六大商場合作推出《Pokemon GO 達人網上教室》,今次就去到東港城實地講解,俾各位新手、老手都可以更容易捕捉到心儀既精靈!

 

 

【新版本優點一:介面改善】

更新咗之後,Pokémon GO 介面改善咗,各位訓練員可以執下遊戲裡面個 look 、獎牌圖案靚左、同博士換精靈嘅選項順手咗等等。版面靚咗之餘,會令遊戲 Hang 機嘅 Bug 位都改善左,玩上黎的確比較順手嘅。

 

【新版本缺點一:追蹤精靈難度提升】

雖然有改善,但係呢個新版本反而係一個惡夢既開始!首先,在上個版本用於推測小精靈方位嘅腳印機制,居然硬生生地刪除咗,同一時間,觸發 PokeStop 同小精靈嘅距離都縮短埋,變相令追蹤小精靈既難度更加高。

 

【新版本缺點二:精靈干擾動作更多、逃走機率上升】

另一方面,有唔少訓練員都發覺,今個版本當中,小精靈更容易由精靈球中走番出黎,無論攻擊、跳動等擾亂捕捉嘅動作,亦明顯增加。用哂精靈球都唔緊要,重點喺精靈逃走機率明顯提升,一兩個精靈球捉唔到,精靈就逃之夭夭啦。

新版本 Pokémon GO 當中,精靈難搵又難捉,究竟可以點克服??睇埋落去就可以幫你化解新版本難關,繼續輕鬆收伏小精靈。

既然小精靈比以前更容易逃走,就要同掉波技巧拉上關係,提升每次掉波嘅捕獲率。

 

掉精靈球技巧一:曲線球

作為初學者,好多訓練員掉波都會選擇由屏幕中央直向上掉,但呢個掉法,手指小小誤差就會令精靈球偏移目標。所以,喺掉出精靈球之前,稍微以逆時針或順時針方向轉動,喺精靈球發光嘅時侯扔出,就可以令精靈球劃出你心目中嘅曲線,喺精靈嘅側面進行攻撃,更容易收伏精靈之餘仲有額外嘅經驗值架!

 

掉精靈球技巧二:控制時機

喺觸碰精靈球而未掉出去前,精靈身上會出現兩個唔同嘅圓圈,如果掉出嘅精靈球可以喺內圈嘅範圍命中,就可以得到 Nice、Great、Excellent 等評價,上個版本當中呢啲評價會轉化成經驗值,不過今次更新之後就冇左,取而代之既就係捕獲率既加乘啦!

留意內圈越細,就代表捕獲率加乘越高,可以更簡單捉到眼前嘅精靈啦!另外,內圈嘅顏色亦代表精靈嘅捕獲難度。綠色,代表最容易捉到,如果出現紅色圈,建議大家換個高級精靈球、最好就用埋 RazzBerry 道具、事先提升精靈對你嘅好感,再配合曲線球,就可以大大提升捕獲精靈嘅機率啦!

 

萬勿錯過!捉精靈著數

走遍全香港捉精靈之餘,仲有著數優惠唔可以錯過,喺將軍澳東港城商場,只要喺場入面捉到 3 隻精靈,再 upload 相上 Facebook,就可以得到新地商場現金券一張啦!捉完去場內嘅 Pacific Coffee,仲可以免費升級手調飲品優惠!

 

 

 

發佈留言

發佈留言必須填寫的電子郵件地址不會公開。 必填欄位標示為 *