打機減肥真係得!玩家實測《健身環大冒險》有減肥效果!

任天堂上年十月推出《健身環大冒險》,斷斷續續有貨到無貨,價錢由五百尾直上近千元都現過,好玩與否見仁見智,但似乎講減肥效果就認真不錯。事關有位玩家在 Facebook 分享了遊玩過後的一些經歷,結果成功由一個肥仔變番正常 Size,神奇頂級超卓!

根據 Migui Minaj 在 FB 中透露,他總計玩了《健身環大冒險》30天,每天都玩,每次25分鐘就足夠,再簡單地注意飲食搭配,就已經達到現時效果,似乎健身環的確提供了一個很好的做運動環境,不過講到尾,都要睇各位玩家堅持,減肥是一生打不完的仗,以為嬴了,最後都可以倒輸哦!